Osiyo o'yinlari yakunlari: Erkaklar o'rtasida birinchi bo'ldik!

O'zbekiston terma jamoasi musobaqani 3 ta oltin va 2 ta bronza medallari bilan yakunladi. 

Erkaklar o'rtasidagi bahslarda 3 ta oltin va 1 ta bronza, ayollar o'rtasidagi bellashuvlarda esa 1 ta bronza medalini qo'lga kiritdik. 

Erkaklar o'rtasidagi bahslarda O'zbekiston terma jamoasi umumjamoa hisobida birinchi o'rinni egalladi. Ikkinchi o'rinni Xitoy, uchinchi o'rinni esa Yaponiya egalladi. 

Ayollar o'rtasidagi bahslarda esa Xitoy birinchi pog'onani band etdi. Ikkinchi o'rinni KXDR, uchinchi o'rinni esa Xitoy Taypeyi egalladi. 

Umumiy hisobda esa Xitoy (5 ta oltin, 2 ta kumush va 2 ta bronza) birinchi bo'ldi. Ikkinchi o'rinni O'zbekiston band etdi (3 ta oltin, 2 ta bronza), uchinchi o'rinni esa Yaponiya (1 ta oltin, 2 ta kumush va 2 ta bronza) egalladi.