Osiyo o'yinlarida endi Okeaniya mamlakatlari ham ishtirok etadi

Ushbu tadbir davomida mutasaddilar qator masalalarni ko'rib chiqishmoqda.

Jumladan, 2022 yili Xitoyning Xanchjou shahrida bo'lib o'tadigan navbatdagi Osiyo o'yinlarida Okeaniya mamlakatlari ham ishtirok etadigan bo'ldi. Bosh Assambleya ishtirokchilari Okeaniya mamlakatlarini ham qitamiz sport bayrog'i ostida birlashtirish uchun ushbu qarorni maqullashdi.


Bunday jarayon 2017 yili Turkmaniston poytaxtida o'tkazilgan yopiq inshootlardagi va jangovor sport turlari bo'yicha o'tkazilgan Osiyo o'yinlarida sinovdan o'tkazilgan. O'sha musobaqada Okeaniya mamlakatlaridan Fiji 1 tadan oltin va kumush medallarini jamg'arib, ushbu mintaqa vakillari orasida etakchi bo'lgandi.

“Okeaniya va Osiyo ko'plab jihatlarda bir-biriga juda yaqin. Ana endi sport bo'yicha birlashmoqdamiz. Bu yangilikni elon qilishdan boshimiz ko'kka etdi”, – deydi Okeaniya Milliy olimpiya qo'mitasi prezidenti Robin Mitchel.


SHu tariqa 2022 yili Xitoyning Xanchjou shahrida bo'lib o'tadigan navbatdagi Osiyo o'yinlarida qitadoshlarimiz qatorida Okeaniya mamlakatlaridan tashrif buyuradigan atletlar ham medallar uchun bahs olib borishadi. Biroq Okeaniya mamlakatlari qaysi sport turlarida va qancha sportchi bilan ishtirok etishi borasida yakuniy qaror qabul qilinmadi. SHuningdek, anjuman davomida boks va akademik eshkak eshish sport turlari bo'yicha Olimpiya yo'llanmalarini beradigan musobaqalarni ikki mintaqa sportchilari uchun birga o'tkazish masalasi ham ko'rib chiqiladi.