Osiyo o'yinlarining to'qqizinchi kunida uchta medalni qo'lga kiritdik

27 avgust kungi bahslarda sportchilarimiz uchta medal qo'lga kiritishdi:

Kumush: 

Bahriniso Babaeva (karate)

Dildora Rahmatova, Asal Ikromova, Sabina Tashkenbaeva, Nurinisso Usmanova (badiiy gimnastika, jamoaviy)

Bronza:

Rustam Djangabaev (og'ir atletika)

20:10. SHu tariqa bugungi matnli translyaciyamiz nihoyasiga etdi.

20:00. Isroil Madrimov ilk jangida mo'g'ulistonlik Davanyam Davasurendan 5:0 hisobida ustun keldi va chorak final ishtirokchisiga aylandi.

18:19. Badiiy gimnastikachilarimizdan KUMUSH medal. Jamoaviy final bahslarida Sabina Tashkenbaeva, Nurinisso Usmanova, Dildora Rahmatova va Asal Ikromova kumush medal bilan taqdirlanishdi.

17:51. Bokschimiz Mirazizbek Mirzahalilov 1/8 finalda iordaniyalik Muhammad Alvadini 5:0 hisobida mag'lub etdi va chorak finalga yo'l oldi.

16:34. Afsuski, O'zbekiston olimpiya terma jamoasi o'z ishtirokini chorak finaldayoq yakunlashga majbur bo'ldi. Ikrom Aliboevning yo'q joydan olgan qizil kartochkasi, Ashurmatovning jarima maydonchasidagi xatosi terma jamoamiz uchun qimmatga tushdi.

16:29. Ashurmatovning qo'pol xatosi sabab darvozamiz tomon 11 metrli jarima to'pi belgilandi. Koreyalik futbolchi penaltini sovuqqonlik bilan golga aylantirdi.

16:12. Birinchi ekstra-taym o'z nihoyasiga etdi. Hisob - 3:3. Afsuski, Ikrom Aliboev yo'q joydan sariq kartochka oldi va bu ikkinchi ogohlantirish bo'lgani sababli endi bir kishi kam o'ynashga majburmiz. 

16:01. Futbol. O'zbekiston - Janubiy Koreya o'yinida asosiy vaqtdan so'ng 3:3. Ekstra-taymlar boshlandi!

15:12. Oradan hech qancha vaqt o'tmay, hisobda oldinga ham chiqib oldik - 3:2. Olg'a, O'ZBEKISTON!!!!

15:09. O'zbekiston - Janubiy Koreya terma jamoalari uchrashuvida hisob tenglashdi - 2:2

15:03. Karate. Bahriniso Babaeva finalda Xitoy Taypeyi vakilasi SHiashuang Guga 2:3 hisobida yutqazib qo'ydi va yakunda KUMUSH medal sohibasiga aylandi. Yana bir ochko etmadi.

14:20. Karate. Bahriniso Babaeva Filippin, BAA hamda Tailand vakillarini mag'lubiyatga uchratib finalga yo'l oldi. Endi u oltin medal uchun Xitoy Taypeyi vakilasi SHiashuang Guga qarshi bahs yuritadi.

13:59. O'zbekiston olimpiya terma jamoasining chorak finaldan o'rin olgan Janubiy Koreyaga qarshi o'yini boshlanmoqda. 

13:32. Og'ir atletikachimiz Rustam Jangabaev +105 kg vazn toifasidagi bahslarda bronza medalini qo'lga kiritdi. U ikki kurash natijalariga ko'ra kumush medal sohibidan bor yo'g'i 1 kg kam tosh ko'tardi. 

13:07. Iqboljon Xoldorov iordaniyalik raqibini mag'lub etdi va chorak finalga yo'l oldi.

12:42. Karate. SHaxboz Ahatov Qirg'iziston, Hindiston vakillarini mag'lub etib, yarim finalgacha etib bordi. Final chiptasi uchun kechgan bahsda esa yaponiyalik Araga Ryutaroga 2:3 hisobida yutqazib qo'ydi. Endi u bronza medali uchun kurashadi.

12:29. Hasanboy Do'smatovning chorak finaldagi raqibi aniqlandi. Olimpiada chempioni 29 avgust kuni qirg'izistonlik Mirlan Tirkbay uuluga qarshi ringga ko'tariladi. 

11:23. Toshkent vaqti bilan soat 12:00da og'ir atletikachimiz Rustam Djangabaev medallar uchun kurashni boshlaydi. 

11:20. Ot sportida qatnashgan sportchilarimiz o'z chiqishlarini yakunlashdi. CHavandozlarimiz 17 jamoa ichida sakkizinchi natijani qayd etishdi.

11:14. Hasanboy Do'smatov laoslik raqibini 5:0 hisobida mag'lub etdi va chorak finalga yo'l oldi. 

10:21. Boks. Birozdan so'ng, aniqrog'i soat 11:00da Hasanboy Do'smatov ringga ko'tariladi. Iqboljon Xoldorovning jangi esa 13:00ga belgilangan. Soat 17:30da Mirazizbek Mirzahalilov bahsga kirishsa, 19:45da bayroqdorimiz Isroil Madrimov ushbu Osiyo o'yinlaridagi ilk jangini o'tkazadi.

10:04. Badiiy gimnastikachilarimiz jamoaviy bahslardagi ishtiroklarini boshlashdi.


09:49. Sinxron suzish. Anastasiya Morozova va Anna Eltisheva tandemi o'z chiqishida 77,78 ball bilan beshinchi natijani qayd etdi.

08:16. Yana bir karatechimiz Dastonbek Otabolaev iordaniyalik sporchiga mag'lub bo'ldi.

07:44. Karatechimiz Dildor Annadurdieva ilk jangida qozog'istonlik sportchiga yutqazib qo'ydi. Bronza medali uchun o'tish jangida esa eronlik raqibasiga mag'lub bo'ldi.

07:04. CHavandozlarimiz ot sporti bahslarida o'z ishtiroklarini boshlab yuborishgan. 

Assalomu alaykum. Osiyo o'yinlarining to'qqizinchi kunidan onlayn matnli translyaciyamizni boshlaymiz. 

Bugun bellashuvlarda qatnashadigan sportchilarimiz ro'yxati: 

Engil atletika:

Dmitriy Melsitov (balandlikka sakrash, final)

Xurshid Ahmadaliev (800 metrga yugurish, saralash va final)


Sinxron suzish:

Anna Eltisheva, Anastasiya Morozova (juftlik, saralash)


Futbol:

O'zbekiston - Janubiy Koreya (chorak final)


Karate:

-50kg: Bahriniso Babaeva
-68kg: Dildor Annadurdieva
-75kg: Doston Otabolaev
-84kg: SHaxboz Axatov

Og'ir atletika:

+105kg: Rustam Djangabaev (final)


Badiiy gimnastika:

(yakkalik saralash, jamoaviy final)

Sabina Tashkenbaeva
Nurinisso Usmanova
Dildora Rahmatova
Asal Ikromova


Ot sporti:

(yakkalik va jamoaviy, saralash)

G'ayrat Nazarov
Nurjan Tuyakbaev
Umdjon Komilov
Oqil Sobirjonov


Boks:

-49kg: Hasanboy Do'smatov
-64kg: Iqboljon Xoldorov
-56kg: Mirazizbek Mirzahalilov
-75kg: Isroil Madrimov