Osiyo vice-chempionlari tantanali kutib olindi

Hozirda sinxron suzuvchilarimiz qita birinchiligi medallari uchun kurashishda davom etayotgan bo'lsa, kecha kechqurun suv polosi bo'yicha O'zbekiston o'smirlar va qizlar terma jamoalari yurtimizga qaytib kelishdi.

Etiborli jihati, aynan qizlar termasi Osiyo chempionatida kumush medalga sazovor bo'ldi va natijada ular kelgusi yil Isroil davlatida bo'lib o'tadigan jahon chempionatida qatnashish huquqini qo'lga kiritdi.

Suv polosi bo'yicha qizlar o'rtasidagi Osiyo chempionatida sariq qitaning 6ta terma jamoasi ishtirok etdi. O'yinlar davraviy tizimda o'tkazilib, barcha uchrashuvlarda g'alabaga erishgan Yaponiya terma jamoasi 10 ochko bilan qita chempioniga aylandi. Qozog'iston va O'zbekiston qizlar terma jamoalari esa bir xil – uchtadan o'yinda zafar quchishdi. Faqat, o'zaro o'yindagi anchayin ishonchli – 16:11 hisobidagi g'alaba yakunda qizlarimizga kumush medalni taqdim etdi.

Suratlar muallifi - Alimurod Mamadaminov