15 iyu 08:58
Yangiliklar
Dzyudo
O'smirlarimiz Gonkongdagi reyting musobaqasida 4ta medal qo'lga kiritishdi
Gonkongda dzyudo bo'yicha o'smirlar Olimpiya o'yinlariga reyting ballarini taqdim etuvchi Osiyo Ochiq chempionati bo'lib o'tdi.
Unda yurtimiz sharafini to'rt nafar dzyudochi himoya qildi. Quvonarlisi, ularning barchasi musobaqada sovrindorlar qatoridan o'rin olishga muvaffaq bo'ldi.
Qizlar o'rtasida -48kg vazn toifasida yurtimiz sharafini himoya qilgan Sita Qadamboeva barcha raqiblarini mag'lubiyatga uchratib, oltin medal sohibasiga aylandi. -52kg vazn toifasida bahslarda ishtirok etgan Nilufar Ermagambetova esa kumush medalga sazovor bo'ldi.
O'g'il bolalar o'rtasidagi bellashuvlarda esa Maqsud Ochilov (-55kg) va Jayhunbek Nazarov (-66kg) bronza medallarini qo'lga kiritdi.
Ushbu g'alaba orqali dzyudochilarimiz o'zlari uchun qimmatli bo'lgan reyting ochkolarini ishlab oldilar. Endi ular Makaoda bo'lib o'tadigan ana shunday musobaqada ishtirok etadilar.
Havola :
Manba : olympic.uz
Fikrlar