29 iyu 18:18
Yangiliklar
![](/upload/storage/16633_220.jpg)
O'smirlarimiz Nepaldan 29 ta medal bilan qaytishdi
Sayyoramizning eng baland nuqtasi – Everest cho'qqisi bilan mashhur bo'lgan
Nepal davlatida o'tgan mazkur Osiyo chempionatida o'smirlarimiz 6 ta oltin, 3
ta kumush va 6 ta bronza medalini qo'lga kiritib, umumjamoa hisobida 27
davlat orasida birinchi o'rinni egallagan bo'lishsa, 5 ta oltin, 3 ta kumush
va 6 ta bronza medaliga egalik qilgan qizlar terma jamoamiz 17 davlat
orasida 2-o'rinni band etdi.
Qariyib bir hafta davomida o'tkazilgan qita chempionatining o'smirlar
o'rtasida bo'lib o'tgan musobaqalarida hamyurtlarimizdan Sarvar Toshtemirov
va Aleksandr Li uchtadan oltin medalga sazovor bo'lishdi. Vazni 94 kg.gacha
bo'lgan polvonlar bellashuvida bahs yuritgan Saidmuxtor Saidaxrorov esa bir
yo'la uchta kumush medal bilan taqdirlandi. Musharrafbek Rahimov 2 ta,
Muhammadqodir Toshtemirov esa 1 ta bronza medali sohibi bo'ldi. Demak,
qita chempionatiga yo'l olgan 8 nafar o'smirlarimizdan 5 nafari
sovrindorlar safidan o'rin egallashdi.
Qizlar o'rtasida bo'lib o'tgan musobaqalarda ham sportchilarimiz o'zlariga
bildirilgan ishonchga munosib bo'ldilar. Jumladan, 75 kilogramm vazn
toifasida bahs yuritgan Gulnoza Ahmadova dast ko'tarishda ham, siltab
ko'tarish mashqlarida ham eng yuqori natijani qayd etib, ikkikurash
natijasiga ko'ra ham Osiyoda tengsiz deb topildi.
Og'irlik vazni 63 kilogrammgacha bo'lgan qizlar musobaqasida Vatanimiz
sharafini himoya qilgan Kumushxon Fayzullaeva ikkita oltin va bitta bronza
medaliga sazovor bo'ldi. SHuningdek, Tursunoy Jabborova uchta kumush, SHaxlo
Abdullaeva uchta bronza va nihoyat, SHodmonoy Ochilova ikkita bronza
medalini qo'lga kiritishdi.
SHu tariqa, qizlar terma jamoamiz umumjamoa hisobida Xitoy davlatidan
keyin ikkinchi o'rinni egalladi. Kuchli uchlikni esa Tailand termasi yakunlab
berdi.
Endi yosh polvonlarimiz joriy yilning oktyabr oyida Janubiy Koreyada o'tkaziladigan Osiyo kubogi bahslariga tayyorgarlik ko'radilar.
Fikrlar