Oston O'runov: "Navbahor" futbol klubi va namanganlik muxlislarga omad tilayman"

Quyida uning fikrlarini keltirib o'tamiz.

- "Avvalambor futbolchi sifatida shakllanishimga yaqindan yordam bergan "Navbahor" futbol klubi rahbariyati, shuningdek Namangan viloyati hokimi Xayrulla aka Hayitboevichga alohida minnatdorchilik bildiraman. Qolaversa jamoa ishqibozlaridan ham minnatdorman, chunki muxlislar qo'llab-quvvatlamaganida men bu darajaga chiqmasdim".

- "Endi faoliyatimda yangi sahifa ochish payti keldi. Futbolchi sifatida yanada o'sish hamda sovrinlarni qo'lga kiritish maqsadida o'zbek futbolining etakchi jamoasi "Lokomotiv" futbol klubiga yo'l olyapman. Bu men uchun yangi faoliyat bo'ladi, "Lokomotiv"da o'ynab "temiryo'lchilar" mehrini qozonishni, O'zbekiston chempioni bo'lishni va albatta milliy terma jamoada to'p tepishni xohlayman".

- "To'g'ri, bu qarorga kelish oson bo'lmadi, chunki "Navbahor" men uchun alohida ahamiyat kasb etadi. "Lokomotiv" menga qishdayoq taklif bilan chiqqandi, ammo o'shanda "Navbahor"da qolib jamoaga yordam berishni istagandim. Endi esa dadam bilan o'zaro maslahatlashgan holda iliq xotiralar bilan klubni tark etyapman. O'ylaymanki, "Navbahor" yaxshi o'yin ko'rsatishda davom etadi, negaki jamoada ajoyib tarkib jamlangan. Men esa o'z oldimga yanada yuqori maqsadlarni qo'ygan holda "Lokomotiv" safiga yo'l olyapman. SHu o'rinda o'zimning sevimli jamoam "Navbahor" va uning ashaddiy ishqibozlariga omad tilab qolaman".