Ot sporti. Uchkurash bellashuvlarida g'oliblar aniqlandi

Ushbu turnir mamlakatning uchkurashga ixtisoslashgan barcha mard chavandozlarini o'zida jamladi. Musobaqaning birinchi kunida sportchilar manejda ot yo'rttirish bo'yicha o'z mahoratlarini namoyish etishdi. Ikkinchi kun biroz mushkulroq bo'lgan mashqlar – kross va konkur yo'nalishlari bo'yicha bellashuvlar bo'lib o'tdi.

Birinchi uchkurash yakunlariga ko'ra g'olib va sovrindorlar ro'yxati quyidagicha ko'rinish oldi:

1-o'rin — Nuris Avloqulov — “Xelo sensey”
2-o'rin — Abduazim Ramziddinov — “Al-abdjar”
3-o'rin — Temurbek Axmedov — “Tayson”

Ikkinchi uchkurash natijalari:

1-o'rin — Aslbek Nematjanov – «Solist»
2-o'rin — Gofurjon Toshboltaev – «Pentagon»

Eslatib o'tamiz, uchkurash bo'yicha 1998-2000 yillarda tug'ilgan va undan yosh bo'lgan sportchilar orasidagi shaxsiy-jamoaviy O'zbekiston chempionatida birinchi o'rinni egallagan g'oliblar respublikaning oliy o'quv yurtlariga imtiyozli kirish licenziyasini qo'lga kiritishadi.