Otabek Umarov boshchiligidagi MOQ jamoasi dzyudo va tennis federaciyalari rejalari bilan tanishdi

Navbatdagi manzil O'zbekiston dzyudo federaciyasi bo'ldi. 

Mutasaddilar dastavval dzyudo sportining istiqbolli rejalari bilan tanishishdi. Taqdimotni federaciya raisi Azizjon Kamilov o'tkazdi. Bunda ushbu sportning ommaviyligini oshirishdan tortib, asosiy jamoaga nomzod polvonlarni saralab olish metodikasi, poytaxtimizda muntazam “Katta Dubulg'a” kabi nufuzli musobaqalarni o'tkazish, terma jamoalarga yanada ko'proq xorijlik kuchli mutaxassislarni jalb qilish kabi mavzular batafsil ko'rib chiqildi. SHuningdek, har bir vazn toifasida ichki raqobatni yanada kuchaytirish, bir xil saviyaga ega tarkiblarni shakllantirish kabi takliflar ilgari surildi. 

SHundan so'ng rasmiylar O'zbekiston tennis federaciyaga tashrif buyurishdi. Qayd etish joiz, so'nggi Olimpiya o'yinlarida ushbu sport turida delegaciyamiz licenziya qo'lga kirita olmadi. Suhbat davomida terma jamoada avlodlar almashinuvi sabab shunday holat yuzaga kelgani takidlandi. Hozirda bir qator istedodli raketka ustalari etishib chiqayotgani, ular jahon reytingida yuqori pog'onalarga ko'tarilayotgani qo'shimcha qilindi. 

O'rganish ishlari davomida rasmiylar har ikki federaciyaning moddiy-texnik bazasini ko'zdan kechirishdi. Yakunda terma jamoalarni zamonaviy inventarlar bilan taminlash bo'yicha mutaxassislardan fikrlar olindi va tayyorlanadigan Prezident qarori loyihasiga taklif kiritilishi bildirildi.