Otabek Umarov Kuvaytda o'tkazilgan Osiyo Olimpiya Kengashining Ijroiya qo'mitasi yig'ilishida qatnashdi

Unda mamlakatimiz nomidan OOK vice-prezidenti, O'zbekiston MOQ raisining birinchi o'rinbosari Otabek Umarov ishtirok etdi.

OOKning yangi Prezidenti SHayx Javan Ol Soniy raisligida o'tgan dastlabki rasmiy yig'ilishda tashkilot shtab-kvartirasi faoliyati va uning boshqaruv tizimini takomillashtirish, kelgusi kompleks musobaqalarga tayyorgarlik jarayoni, boshqa mintaqalar bilan hamkorlikni kengaytirish va qo'shma loyihalarni amalga oshirish masalalari muhokama qilindi.

SHuningdek, tadbir doirasida rasmiylar Kuvayt Davlati Amiri SHayx Mishal as-Saboh hamda Valiahd SHayx Saboh as-Saboh bilan uchrashib, o'zaro hamkorlikni yanada mustahkamlash va istiqboldagi rejalar yuzasidan fikr almashdi.