Otabek Umarov OOK mutasaddilari bilan hamkorlikning yangi bosqichlarini muhokama qildi

Unda ishtirok etadigan OOK vice-prezidenti Otabek Umarov boshchiligidagi O'zbekiston delegaciyasi ayni paytda Bangkok shahrida bo'lib turibdi va rasmiylar bilan bir qator uchrashuvlar tashkil etmoqda. 

Ana shunday uchrashuvlardan dastlabkisi OOKning amaldagi rahbari Raja Singx va OOK Bosh direktori, Butunjahon suv sporti turlari federaciyasi (World aquatics) prezidenti Husayn Al Musallam bilan o'tkazildi.

Samimiy ruhda kechgan suhbatda Otabek Umarovga MOQ Bosh kotibi Oybek Kasimov hamrohlik qildi. Dastavval, Otabek Muhammadalievich mamlakatimizda Toshkent-2025 yoshlar Osiyo o'yinlariga olib borilayotgan katta hajmdagi tayyorgarlik haqida umumiy malumot berdi. 

OOK mutasaddilari O'zbekiston bo'lajak musobaqani yuqori saviyada o'tkaza olishiga ishonishini, bir necha kun muqaddam Toshkentda bo'lib qaytgan Ishchi guruh jarayonni yuqori baholaganini malum qildi.

SHuningdek, Husayn Al Musallam bilan yurtimizda suv sporti turlari rivojini yangi bosqichga olib chiqish, mahalliy murabbiy va hakamlar uchun taniqli ekspertlar ishtirokida ko'proq seminarlar tashkil etish kabi mavzular ko'rib chiqildi. 

Suhbatda Toshkent-2025 yoshlar Osiyo o'yinlari uchun qurilayotgan zamonaviy suv sporti havzasi va keyinchalik undan samarali foydalanish masalasi ham o'rin oldi. World aquatics rahbari mavzu yuzasidan o'zining kerakli tavsiyalarini berib, bu borada O'zbekistonni hamisha qo'llab-quvvatlashga tayyor ekanini bildirdi.