Otabek Xolmatov ishtirokidagi jang The Ring talqini bo'yicha 2024 yilning eng yaxshi jangi deb topildi (Barcha nominaciyalar g'oliblari)

Etiborlisi, yarim engil vazn toifasidagi bokschimiz Otabek Xolmatovning WBA kamari uchun amerikalik Raymond Fordga qarshi o'tkazgan bahsi yilning eng yaxshi jangi nominaciyasida g'olib bo'ldi.

Yodingizda bo'lsa, o'sha jangda Ford hamyurtimizni 12-raundning so'nggi soniyalarida texnik nokaut evaziga mag'lub etgandi. Alam qiladigan holat shundaki, referi tomonidan jang to'xtatilguniga qadar Xolmatov ochkolar hisobiga ko'ra oldinda borayotgandi.

Londonda (Buyuk Britaniya) tashkil etilgan tadbirda super yarim o'rta vazn toifasida WBA sobiq chempioni Isroil Madrimov ham ishtirok etdi. Uning Terens Kroufordga qarshi jangi yilning eng yaxshi oqshomi nominaciyasiga kiritilgandi.

Barcha nominaciyalar g'oliblari:

Yilning eng yaxshi erkak jangchisi: Aleksandr Usik 

Yilning eng yaxshi ayol jangchisi: Gabriela Fundora

Yil jangi: Raymond Ford va Otabek Xolmatov jangi 

Yil oqshomi: Aleksandr Usik va Tayson Fyuri 1 jang oqshomi 

Yil murabbiyi: Robert Garsiya 

Yilning eng istiqbolli bokschisi: Moses Itauma 

Yil raundi: Usik va Fyuri 1-jangi 9-raundi

Yil apseti (kutilmagan voqelik): Bruno Surachning Hayme Mungiya ustidan g'alabasi

Yil qaytishi: Billi Dib 

Yil nokauti: Daniel Dyubua tomonidan Joshuaning nokauti

Hayot faoliyatidagi yutuqlar uchun: Don King.