Oybek Kasimov MDH mamlakatlari sport vazirliklari yig'ilishida ishtirok etdi

Ikki kun davom etgan uyushma azolari yig'ilishida Mustaqil Davlatlar hamdo'stligiga azo mamlakatlarning jismoniy tarbiya va sport vazirliklari rasmiylari ishtirok etdi. Yig'ilishda O'zbekistondan vazirning birinchi o'rinbosari Oybek Kasimov qatnashdi. 

Avval imzolangan Kelishuvga ko'ra uyushmaga azo mamlakatlar jismoniy tarbiya va sport sohasida o'zaro hamkorlik qilishadi. Yig'ilishning ochilish marosimida so'zga chiqqan Qozog'iston madaniyat va sport vaziri o'rinbosari Eldos Ramazanov qatnashchilarni qutladi.  

Ikki kunlik yig'ilish so'nggida Uyushma azolari bir ovozdan Serik Sapievni 2019-2020 yillar uchun MDH mamlakatlari jismoniy tarbiya va sport ishlari bo'yicha Kengashi raisi etib saylandi. 

Uyushma azolari MDH mamlakatlarida 2021-2030 yillar uchun mo'ljallangan dastur loyihasini muhokama qilishdi. O'tgan yili tashkilot yig'ilishiga Armaniston davlati mezbonlik qilgandi. Kelasi yilgi yig'ilish Qozon shahrida bo'lib o'tadi.