Oybek Kasimov Osiyo stol tennisi ittifoqi Bosh direktori bilan qita chempionatiga tayyorgarlik masalalarini muhokama qildi

Yamanlik mutaxassisni MOQ Bosh kotibi Oybek Kasimov qarshi oldi. Tomonlar uchrashuv mobaynida iyun-iyul oylarida poytaxtimizda o'tkazilishi ko'zda tutilgan o'smirlar va yoshlar o'rtasidagi Osiyo chempionatiga tayyorgarlik masalalarini muhokama qilishdi.

MOQ Bosh kotibi suhbatda mamlakatimiz ushbu musobaqani yuqori saviyada tashkil etish uchun barcha imkoniyatlarni ishga solishini, bu borada mahalliy mutaxassislarda ulkan tajriba mavjudligini takidladi. O'z navbatida, janob Al-Fakih O'zbekiston stol tennisi federaciyasining yangi rahbariyati xalqaro tashkilot bilan yaqin munosabatlarni o'rnatib borayotgani haqida iliq fikrlarini bildirdi.

SHuningdek, mehmon ayni kunlarda poytaxtimizda Olimpiya birdamligi loyihasi asosida o'tayotgan murabbiylar seminari yuqori darajada tashkil etilganiga ham to'xtalib o'tdi.

Uchrashuv davomida tomonlar Toshkentda may oyida “Youth contender” musobaqasini ham o'tkazish bilan bog'liq masalalar, qolaversa o'zaro hamkorlikning yangi istiqbollari haqida so'z yuritishdi.