O'zbek derbisida Oqgul Niginadan ustun kelib, finalga yo'l oldi

Mukofot jamg'armasi 80 000 AQSH dollarini tashkil qiluvchi ushbu musobaqada mamlakatimizning etakchi tennischilari - Sabina SHaripova, Nigina Abduraimova va Oqgul Omonmurodova ham ishtirok etyapti. Hamyurtlarimizdan Nigina va Oqgul yakkalikning ikkinchi davrasida mag'lubiyatga uchrashgandi. 

Etiborlisi, bu ikki tennischimiz juftlik musobaqasining yarim finalida o'zaro to'qnash kelishdi. Gruziyalik Ekaterina Gorgodze bilan to'rtinchi raqamli juftlikni hosil qilgan Omonmurodova rossiyalik Anastasiya Frolova bilan tandem hosil qilgan Nigina Abduraimova hamkorligini 6:3, 6:4 hisobida mag'lub etdi. Oqgul va Ekaterinaning finaldagi raqibalari bugun malum bo'ladi.