O'zbek jang sanati bo'yicha O'zbekiston chempionati o'tkazildi FOTOGALEREYA

CHempionatda Qoraqalpog'iston Respublikasi, viloyatlar va Toshkent shahridan ming nafardan ziyod sportchilar ishtirok etdi va ular “Kompleks mashq”, “Temuriylar jang usuli”, “Jamoaviy ko'rgazmali chiqish”, “Jamoaviy assalom tong” yo'nalishlari bo'yicha o'zaro bellashdilar.

Musobaqa O'zbekiston Respublikasi Milliy gvardiyasi hamda O'zbekiston  Respublikasi sog'liqni saqlash vazirligi bilan hamkorlikda tashkil etildi. CHempionatni o'tkazishdan ko'zlangan maqsad o'sib kelayotgan yosh avlodni vatanparvarlik, yurtiga sodiq, jismonan sog'lom va manan barkamol farzandlar qilib tarbiyalashdan iborat. 

G'olib va sovrindorlar milliy terma jamoa tarkibiga qabul qilindi. Turnirda ilk bor IIV akademiyasi va Namangan viloyati maktabgacha talim muassasasi vakillari ishtirok etdilar.

"Jamoaviy ko'rgazmali chiqish” va “Jamoaviy assalom tong” yo'nalishi bo'yicha Toshkent viloyati jamoasi 1-o'rinni qo'ga kiritdi. Umumjamoa hisobida esa Andijon viloyati jamoasi birinchi o'rinni egalladi. Poytaxt viloyati vakillari ikkinchi pog'onani band etishgan bo'lsa, kuchli uchlikka Toshkent shahri jamoasi yakun yasadi.