O'zbek sambochilari jahon chempionatini 11 ta medal bilan tugatishdi, umumjamoa hisobida ikkinchi o'rindamiz!

Uch kun davomida sambo muxlislari keskin va shiddatli bellashuvlar guvohiga aylanishdi. Musobaqada ishtirok etgan o'zbekistonlik sambochilar umumiy hisobda 11 ta medal qo'lga kiritishdi. Terma jamoamiz azolari 3 ta oltin, 5 ta kumush va 3 ta bronza medallariga ega chiqishdi.

Terma jamoamiz safida quyidagi sportchilarimiz sovrindor bo'lishdi:

Oltin:

-58 kg: Bahodir Bakiev (jangovar sambo)

-88 kg: Ixtiyor Eshmurodov 

-98 kg: Nodirjon Mirxalikov

Kumush:

-79 kg: Ulug'bek Rahmonov

-64 kg: Oybek Soliev (jangovar sambo)

-50 kg: Sabina Davlatova

-79 kg: Furqat Ro'ziev (jangovar sambo)

-88 kg: Sohibjon Hasanboev (jangovar sambo)

Bronza:

-59 kg: Ibodatxon Agojonova

+98 kg: Hakimjon Ismoilov (jangovar sambo)

-71 kg: Istam Qudratov

Ushbu natija orqali sambochilarimiz jahon chempionatini umumjamoa hisobida ikkinchi o'rinda yakunlashdi. Birinchi o'rinni Rossiya vakillari egallashgan bo'lsa (8 ta oltin, 6 ta kumush, 4 ta bronza), kuchli uchlikka Belarus vakillari (3 ta oltin, 5 ta kumush) yakun yasashdi. 

Qayd etish lozimki, bu o'zbek sambosidagi tarixiy natija hisoblanadi. Bungacha sambochilarimiz jahon chempionatida xech qachon umumjamoa hisobida ikkinchi o'rinni egallashmagandi.

O'zbekiston sambo associaciyasi matbuot xizmati