O'zbek sporti tarixida ilk bor: Zamonaviy beshkurash bo'yicha Olimpiya o'yinlariga licenziya qo'lga kiritdik

Zero, sportchilarimizning bo'lajak musobaqaga ko'proq licenziya olishlarini taminlashga hukumat darajasida katta etibor qaratilmoqda. Rivojlanishi bir muncha to'xtab qolgan sport turlari esa jadallik bilan o'sib bormoqda.

Ayni kunlarda Xitoyning Uxan shahrida zamonaviy beshkurash bo'yicha Osiyo-Okeaniya mintaqasi uchun Tokio Olimpiadasiga licenziya beruvchi musobaqa bo'lib o'tmoqda. Quvonarlisi, ushbu turnirda sportimiz tarixida ilk bor o'zbekistonlik zamonaviy beshkurashchi Alise Faxrutdinova yozgi Olimpiya o'yinlariga yo'llanma qo'lga kiritdi. Mazkur musobaqada terma jamoamiz mamlakatlar reytingida uchinchi o'rinni egalladi va bu delegaciyamiz uchun Olimpiya o'yinlariga bitta licenziya taqdim qildi.

Musobaqada kuchli beshlik quyidagi ko'rinishni hosil qildi:

1. Janubiy Koreya
2. Yaponiya
3. O'zbekiston
4. Xitoy
5. Qozog'iston

Zamonaviy beshkurash yaqin-yaqingacha mamlakatimizda past rivojlangan sport turlaridan biri bo'lib kelar, hatto sportchilarning shug'ullanishi uchun bazasi ham yo'q edi. Ammo davlatimizning sportga qaratayotgan etibori, qolaversa, federaciyaning hozirgi rahbariyati sayi-harakatlari bilan ushbu sportga etibor tubdan o'zgardi va ayni damda yangi davrni boshdan o'tkazmoqda.

O'zbekiston Milliy olimpiya qo'mitasi O'zbekiston zamonaviy beshkurash federaciyasini qo'lga kiritilgan bunday muvaffaqiyat bilan muborakbod etadi. Qayd etish joiz, bu delegaciyamiz uchun Tokio-2020 Olimpiya o'yinlariga qo'lga kiritilgan o'n ikkinchi licenziya bo'ldi.