O'zbek sporti va Xidaka shahri o'rtasida almashinuv dasturi

Tadbir Xokkaydo orolida joylashgan va shu nomdagi Guberniyaga qarovchi Xidaka shahri rahbariyati bilan bo'lib o'tdi. Ushbu tadbirga Xidaka shahrining tanlab olinishi bejiz emas, boisi u erda shu paytgacha ot sporti bo'yicha yirik musobaqalar o'tkazib kelingan va shaharda zotdor tulporlarni ko'paytirishga ixtisoslashgan zavodlar ham mavjud. Mehmonlarni shahar meri CHiaki Otaka qarshi oldi. Dasturga muvofiq, delegatlar shahardagi otxonalar, muzey va maktablar, kutubxona, ippodrom kabi joylarda bo'lishdi.

Ot poygalari bu o'lka uchun ayni atalgan bo'lib, Xidaka yilning eng yirik musobaqalaridan biriga mezbonlik qiladi. SHahar ippodromida 1600 metr uzunlikdagi teng qum qoplamali poyga yo'li mavjud. Tadbir doirasida Hamyurtlarimizdan iborat delegaciya uchun maxsus “O'zbekiston – Yaponiya: O'zaro aloqalar va hamkorlik” nomi ostida poyga tashkil etildi. Uning faxriy mehmonlari O'zbekiston zamonaviy beshkurash federaciyasi raisi Bahromjon Gaziev, federaciya bosh kotibi Kseniya Gulyamova, Tokio-2020 atletlari Aleksandr Savkin va Alise Faxrutdinova bo'lishdi.

Bir necha kunlik dasturning yakunida Olimpiyachilarimiz mahalliy yoshlar va maktab o'quvchilari uchun zamonaviy beshkurash sporti bo'yicha o'ziga xos mahorat saboqlarini o'tkazib berishdi. Federaciya raisi va bosh kotib ham atletlarimiz tomonidan tashkil etilgan estafetada qatnashdilar.

Bir so'z bilan aytganda, Tokio-2020 almashinuv dasturi Xidaka shahri aholisi va vakillarimizga zamonaviy beshkurash sporti, o'zbek va yapon madaniyatlari haqida qimmatli malumotlar berdi.