O'zbekiston - BAA. Terma jamoamiz g'alaba bilan boshladi

Ushbu musobaqada plyaj, yani sohil futboli bo'yicha O'zbekiston terma jamoasi ham ishtirok etyapti. Ahad Yusupov shogirdlari ilk uchrashuvda BAA terma jamoasini penaltilar seriyasiga ko'ra mag'lub etishdi.

O'yinning asosiy vaqtida 3:3 hisobidagi jangovor durang qayd etildi. Terma jamoamiz tarkibida futzal bo'yicha jahon chempionatidan tashqarida qolgan Jamoliddin SHaripov dublga erishdi. Yana bir gol Feruz Faxrutdinov hisobiga yozildi.

Qo'shimcha bo'limlarda hisob o'zgarmadi. Penaltilar seriyasida esa sohil futboli vakillarimiz 2:0 hisobida zafar quchishdi. Bu safar ham futzalchilarimiz Andrey SHlema va Faxrutdinov o'zlarini ko'rsatishdi. Futzal terma jamoamiz darvozaboni Akmal Xazratqulov esa ikkita superseyvni amalga oshirdi.

Endi terma jamoamiz chorak finalda Afg'oniston bilan munosabatlariga oydinlik kiritib oladi. Bu uchrashuv 29 sentyabr kuni bo'lib o'tadi. Afg'onistonlik sohil futbolchilar Xitoy terma jamoasidan ustun kelishdi.

O'zbekiston BAA 3:3 (0:0, pen bo'yicha 2:0)

27 sentyabr. Vetnam, Da Nang. Osiyo o'yinlari

O'zbekiston: Akmal Xazratqulov, Ravshan Eliboev, Feruz Faxrutdinov, Sarvar SHoahmedov, Zayniddin Tojiev, Farhod Mirahmedov, Furqat Azizov, Alisher Ibragimov, Andrey SHlema, Jamoliddin SHaripov.

Bosh murabbiy - Ahad Yusupov.