O'zbekiston belbog'li kurash federaciyasi raisi Butunjahon etnosport konfederaciyasi anjumanida ishtirok etdi

Mazkur anjuman konfedraciya prezidenti Najmiddin Bilol Erdogan raisligida o'tkazilidi va dunyoning 45 davlatidan sport delegatlari, BMT vakillari, taniqli sportchilari ishtirok etdi.

Xususan, hamyurtimiz, O'zbekiston belbog'li kurash federaciyasi raisi Ravshan Dastirov ham ushbu forum tashkilotchilari taklifiga binaon ishtirok etib, etnosport tarkibida bo'lgan belbog'li kurashimizni xalqaro miqyosda keng rivojlantirish bo'yicha nutq so'zladi.  

R. Dastirovning takidlashicha, anjuman doirasida 2022 yilning kuz faslida Turkiya davlatida o'tadigan “Ko'chmanchi  xalqlar milliy o'yinlari”da belbog'li kurash sport turini ham kiritish bo'yicha kelishuvga erishilgan.

Beshinchi bor o'tkazilgan ushbu anjumanda mutaxassislar etnosport oilasiga mansub milliy sport turlarini xalqaro darajada rivojlantirish, kelajakda qanday musobaqalar tashkil etiladi, ommalashtirish yo'lidagi barcha imkoniyatlarni ishga solish, etnosport faoliyatini ommaviy axborot vositalari va ijtimoiy tarmoqlarda keng yoritish kabi qator masalalar muhokama qilindi.

SHuningdek, ko'plab davlatlarning milliy sport turalariga oid ko'rgazmali chiqishlar, videoroliklar namoyish etildi.

Ilhom RAHMONOV tayyorladi