O'zbekiston chempion bo'lgan Jahon chempionatining IV divizionida yakuniy turnir jadvali qay holatda?

Unda O'zbekiston terma jamoasi 13 ochko bilan musobaqa g'olibligini qo'lga kiritdi. Xokkeychilarimiz so'nggi turda Malayziyani 18:3 hisobida mag'lub etdi.

Turnir mezboni bo'lmish Armaniston esa Indoneziya termasini 14:1 hisobida taslim etgach, ikkinchi o'rinni saqlab qoldi. Bronza medallari esa Quvayt termasiga nasib etdi. Uchinchi turda Armanistonni engib, O'zbekistonga katta yordam berib yuborgan quvaytliklar so'nggi bellashuvda Eronni 11:0 hisobida mag'lubiyatga uchratdi.

SHunday qilib, musobaqa yakunlariga ko'ra, O'zbekiston terma jamoasi yuqoriladi va keyingi mavsumni III B divizionida o'tkazadigan bo'ldi.