O'zbekiston chempionati finaliga kelgan Adliya vaziri g'oliblarni taqdirladi

2008-2009 yillarda tug'ilgan o'smirlar o'rtasida o'tkazilgan ushbu musobaqada 9ta jamoa uchta guruhda bo'lingan holda g'oliblik uchun kurash olib borishdi.

A guruhidan Namangan, Navoiy va Farg'ona viloyati, B guruhidan Toshkent shahri, Andijon va Xorazm viloyati, S guruhidan esa Samarqand, Sirdaryo va Toshkent viloyati jamoalari o'rin olishdi. Afsuski yilning so'nggi musobaqasiga Qoraqalpog'iston Respublikasi, Buxoro, Qashqadaryo, Surxondaryo va Jizzax viloyatlari jamoalari etib kelishmadi.

Musobaqa Nizomiga ko'ra, o'z guruhlarida g'olib chiqqan hamda 2-o'rin egalari orasida eng yaxshi natija qayd etgan jamoalar yarim finalga yo'l olishdi.

Guruh bahslari natijalari:

A guruhi

Namangan – Navoiy – 41:36

Farg'ona – Namangan – 19:48

Navoiy – Farg'ona – 41:21

B guruhi

Toshkent sh. – Andijon – 40:52

Xorazm – Toshkent sh. – 33:28

Andijon – Xorazm – 30:22

S guruhi

Samarqand – Toshkent vil. – 42:12

Toshkent vil. – Sirdaryo – 12:35

Sirdaryo – Samarqand – 25:40

SHu tariqa yarim finalga Namangan, Andijon va Samarqand viloyatlari guruh g'olibi bo'lib, navoiylik o'smirlar esa eng yaxshi 2-o'rin sohibi sifatida yo'l olishdi.

1/2 final

Samarqand – Andijon – 36:33

Namangan – Navoiy – 55:31

3-o'rin uchun

Navoiy – Andijon – 22:21

Final

Namangan – Samarqand – 49:36

Musobaqaning final o'yini va g'oliblarni taqdirlash marosimiga O'zbekiston Respublikasi Adliya vaziri, O'zbekiston basketbol federaciyasi prezidenti Ruslan Davletov, Jismoniy tarbiya va sport vazirining birinchi o'rinbosari Ravshan Ermatov, O'zbekiston yoshlar ishlari agentligi direktorining o'rinbosari Dilnoza Kattaxonova hamda boshqa mutasaddi rahbarlar tashrif buyurdi.

Tadbirda so'zga chiqqan insonlar avvalo anchayin murakkab kechgan joriy yilda sportda mana shunday yutuqlarga erishgan yoshlarni samimiy qutlar ekan, ularni yaqinlashib kelayotgan Yangi yil bilan ham muborakbod etishdi va 2021 yilda yanada yorqin g'alabalarga erishishlarini tilashdi.

CHempionat yakunida g'olib va sovrindorlar medal, diplom va esdalik sovg'alari bilan taqdirlanishdi.