O'zbekiston chempionati. Umumjamoa hisobidagi g'oliblikni kumush medallar hal qildi

Mamlakat birinchiligida Qoraqalpog'iston Respublikasi, barcha viloyatlar hamda Toshkent shahridan kelgan 2007-2008 yillarda tug'ilgan 800 nafarga yaqin o'smir va qizlar 10 tadan vazn toifasida medallar uchun tatamiga chiqishdi. 

Uch kunlik bellashuvlar yakuniga ko'ra Xorazm viloyati 5 ta oltin, 6 ta kumush, 6 ta bronza medali bilan umumjamoa hisobida birinchi o'rinni egalladi. Odatdagidek xorazmlik dzyudochilarning umumiy muvaffaqiyatiga qizlar katta hissa qo'shishdi. 

Samarqand viloyati dzyudochilari ham 5 ta oltin medalni qo'lga kiritishdi. Lekin ularda kumush medallar bo'lmadi. Kuchli uchlikka 3 ta oltin, 3 ta kumush, 6 ta bronza medali bilan musobaqa mezbonlari yakun yasab berishdi.