O'zbekiston Coca-Cola kubogi. Saralashda 15 ta jamoa ishtirok etadi

Yo'llanmalar sonining aniq ko'rinishi 15 mart kuni bo'lib o'tadigan “Baniyas” — “Nasaf” uchrashuvi natijasiga bog'liq. Bellashuvda qarshiliklar zafar quchsa, saralash o'yinlari yakuniga ko'ra 2 ta jamoa O'zbekiston Coca-Cola kubogining guruh bosqichiga yo'l oladi. Aks holda, faqatgina 1 ta jamoada bunday imkoniyat bo'ladi.

Reglamentdan kelib chiqib, saralashda Birinchi liga jamoalari (4 ta farm-klub bundan mustasno) hamda Ikkinchi ligalarning g'olib jamoalari hududiy associaciyalarning kafolati ostida ishtirok etadi. Ikkinchi ligalarning hududiy g'oliblari sifatida Buxoroning “Binokor” va Toshkent viloyatining “Keles” jamoalari musobaqaga qo'shildi. SHuningdek, pulka o'yinlariga ko'ra Birinchi liga yo'llanmasini qo'lga kiritgan, ammo talab etilgan hujjatlarni vaqtida topshira olmagan “Denov” jamoasi ham kubok saralashiga taklif etilgan.

Qura yordamida jamoalar 1/8 finaldagi raqiblarini aniqlab oladi. Faqatgina bitta omadli jamoa avtomatik ravishda ¼ final yo'llanmasiga ega chiqadi. Bitta uchrashuvdan iborat o'yinlar yakuniga ko'ra mag'lub jamoalar musobaqani tark etadi. Reglamentning 20.1-bandidan kelib chiqib, saralash uchrashuvlarining asosiy vaqtida g'olibni aniqlashning imkoni bo'lmasa, qo'shimcha taymlarsiz navbat penaltilar seriyasiga beriladi.

Avvalroq xabar berilganidek, saralash uchrashuvlariga qura 19 mart kuni "Sport" telekanali orqali jonli efirda tashlab beriladi.