O'zbekiston davlat jismoniy tarbiya va sport universitetida ham regbi jamoasi tuziladi

Tadbirda O'zbekiston regbi federaciyasi raisi, O'zbekiston Respublikasi Oliy Majlisi Senati Raisining birinchi o'rinbosari Sodiq Safoev, O'zbekiston regbi federaciyasi bosh kotibi Qahramon Jalilov, regbi bo'yicha O'zbekiston milliy terma jamoasi bosh murabbiyi Daniil Kulikov, O'zbekiston davlat jismoniy tarbiya va sport universiteti rektori, professor Mahmudjon Boltabaev, Gandbol, tennis, badminton nazariyasi va uslubiyati kafedrasi mudiri SHuhrat To'laganov hamda OAV vakillari ishtirok etishdi.

Uchrashuvda 2019 yil 29 oktyabrdagi «O'zbekiston Respublikasida regbini rivojlantirish chora-tadbirlari to'g'risida»gi Prezident qarorining tegishli bandlari ijrosini taminlash maqsadida federaciya va universitet tomonidan olib borilayotgan ishlarga alohida to'xtalindi.

Xususan, joriy o'quv yilidan universitetda «regbi» bakalavriat yo'nalishi ochilib, 21 nafar talaba qabul qilingani alohida etirof etildi.

SHuningdek, uchrashuv yakunlari bo'yicha regbi sportini yoshlar orasida ommalashtirish, ayollar regbi sportini rivojlantirish, iqtidorli sportchilarni izlab topish, universitet regbi jamoasini tuzish, kelajakda Jahon chempionatlari va Olimpiya o'yinlariga tayyorgarlik ko'rish kabi vazifalarni hamkorlikda amalga oshirish bo'yicha memorandum imzolandi.