O'zbekiston davlat jismoniy tarbiya va sport universitetiga yangi rektor tayinlandi

Yoshlar siyosati va sport vaziri A.Ikramov 2024 yil 4 yanvar kuni O'zbekiston Respublikasi Vazirlar Mahkamasining 2023 yil 29 dekabrdagi 690-son qaroriga asosan O'zbekiston davlat jismoniy tarbiya va sport universiteti rektori lavozimiga tayinlangan Matkarimov Rashid Masharipovichni universitet jamoasiga tanishtirdi.

Taqdimotda vazir A.Ikramov tomonidan R.M.Matkarimovga universitet jamoasi bilan amalga oshirilishi lozim bo'lgan quyidagi asosiy vazifalar belgilab berildi:

- universitetda talim sifatini oshirish hamda raqobatbardosh mutaxassislarni tayyorlashda xorijiy tajribalarni tatbiq etish;

- universitetning xalqaro aloqalarni yanada mustahkamlash va universitet nufuzini xalqaro darajaga olib chiqish choralarini ko'rish;

- universitet ilmiy salohiyatini 31 foizdan 45 foizga oshirish choralarini ko'rish;

- talabalar hamda professor-o'qituvchilarning xorijiy tillarni bilish darajasi oshirish;

- sport turlari bo'yicha milliy federaciya (associaciya)lar bilan hamkorlikni kuchaytirish;

- Nukus va Farg'ona filiallari faoliyati bo'yicha kunlik nazoratni yo'lga qo'yish;