O'zbekiston FIFA reytingida tushib ketdi, O'FA bunga qanday munosabat bildirdi?

Kuchli o'nlikda katta o'zgarish bo'lmadi. Germaniya hamon reytingda eng yuqorida.

O'zbekiston o'tgan oydagidan 7 pog'ona pasayib 95-o'ringa tushib ketdi. Osiyo terma jamoalari orasida O'zbekiston 13-raqamli jamoa bo'lib turibdi.  

36. AVSTRALIYA - 718 (O'tgan oyga nisbatan o'rni o'zgardi: +4)
37. ERON - 708 (-1)
57. JANUBIYA KOREYA 544 (+4)
61. YAPONIYA - 521 (-1)
67. SAUDIYA ARABISTONI 465 (0)
73. SURIYA 440 (+3)
75. XITOY 423 (-2)
77. BAA 418 (+4)
79. LIVAN 411 (+3)
84. UMMON 391 (+3)
89. IROQ 377 (+2)
92. QIRG'IZISTON 363 (-17)
95. O'ZBEKISTON 354 (-7)
97. HINDISTON 350 (0)
98. QATAR 348 (+3)
99. FALASTIN 347 (-3)
102. VETNAM 334 (0)

O'zbekiston futbol associaciyasi esa ushbu yangilikka quyidagicha izoh bildirdi:

O'zbekiston milliy termasi 2017 yilning 5 sentyabr sanasidan buyon rasmiy o'yinda ishtirok etgani yo'q. Undan oldinga o'tib olgan termalar esa Osiyo Kubogi uchun saralashni davom ettirishga majbur bo'lgandi. O'sha o'yinlarda qo'lga kiritilgan ochkolargina ayni paytdagi reytingga sabab bo'ldi.

O'FA o'z principlaridan chekinmaydi va o'rtoqlik o'yinlarini sifatli tashkil qilish uchun harakatni davom ettiradi. Yani, kuchsizroq raqiblarni engib, jadvalda ko'tarilib olish haqida o'ylamaydi. 2019 yilning yanvar oyida bo'lib o'tadigan Osiyo Kubogi esa hamma masalaga oydinlik kiritib beradi.

Osiyo Kubogiga qura tashlanishida FIFA reytingi inobatga olinmadi. JCH—2022 saralashiga qura esa Osiyo Kubogidan keyin bo'lib o'tadi. Qita chempionatidagi natija O'zbekiston termasini reytingda yuqoriga olib chiqishi mumkin.

Malumot uchun, O'FA rahbariyatida o'zgarish yuz berganidan keyin O'zbekiston termasi birorta ham rasmiy o'yinda ishtirok etganicha yo'q. FIFA reytingi so'nggi 4 yillik natijalaridan kelib chiqib tuziladi. Demak, ayni vaqtdagi holat uchun javobgarlik kimlarning zimmasida ekani barchaga malum.