O'zbekiston Indoneziyadagi Osiyo o'yinlarini tarixdagi eng yaxshi natijasi bilan yakunladi

Indoneziyaning Jakarta va Palembang shaharlarida XVIII Osiyo o'yinlari nihoyasiga etdi. Osiyo Olimpiadasiga sportchilarimiz tomonidan jiddiy tayyorgarlik olib borildi. Xalqaro musobaqalar, doimiy o'quv-mashg'ulot yig'inlari, tibbiy ko'riklar, tahlil, selekciya, ruxshunoslar bilan ishlash… Umuman olganda Milliy olimpiya qo'mitasi tomonidan Osiyo o'yinlariga jiddiy tayyorgarlik ishlari olib borildi. Bularning barchasi vatanimizning qita miqyosidagi obro'sini oshirish, O'zbekiston nufuzini yanada mustahkamlash yo'lida amalga oshirildi.

Musobaqa oldidan o'tkazilgan matbuot anjumanlarida bir savol OAV xodimlari tomonidan takror va takror berilardi: «Sportchilarimiz nechta medal qo'lga kirita oladilar?». Ammo, MOQ vakillari bu borada o'z bashoratlarini malum qilmagandilar. Ana endi Osiyo o'yinlari yakunini etiboringizga havola etadigan vaqt etib keldi.

– Osiyo o'yinlarida yurtimiz sharafini 30ta sport turida 234 nafar sportchi himoya qildi

– Sportchilarimiz tomonidan 70ta medal qo'lga kiritildi: 21ta oltin, 24ta kumush va 25ta bronza

– Ikki nafar o'zbek sportchisi musobaqada rekord o'rnatdi

-O'zbekiston terma jamoasi medallar sifati bo'yicha 45 mamlakat ichida umumjamoa hisobida beshinchi o'rinni egalladi

Medallar sifati va soni bo'yicha biz barcha rekordlarni yangiladik va Indoneziyadagi Osiyo o'yinlari O'zbekiston uchun tarixdagi eng yaxshisi bo'lib qoldi.

Yana bir etiborli jihati, kuchli to'qqizlikdan o'rin olgan terma jamoalar ichida eng kam delegaciya bilan qatnashgan mamlakat ham aynan O'zbekiston terma jamoasi bo'ldi. Demak, sportchilarimiz mahsuldorlik bo'yicha ham eng yaxshi ko'rsatkichni qayd eta olishdi.

Ushbu jadval orqali kuchli o'nlikka kirgan mamlakatlar necha nafar sportchi bilan ishtirok etgani va yakunda qancha medal jamg'ara olgani haqida malumotga ega bo'lishingiz mumkin: