O'zbekiston ketma-ket 8-marta Osiyo kubogida o'ynaydi

Bugungi Tailandga qarshi bahsdagi har qanday natija bizni va raqibimizni qita chempionatiga chiqishi uchun to'sqinlik qila olmaydi.

Biroz avval Osiyo kubogi-2023 saralashi doirasidagi Falastin - Filippin uchrashuvi yakunlandi. Ushbu bahsda Falastin 4:0 hisobida g'alaba qozonib, Osiyo kubogiga yo'llanmani qo'lga kiritdi. Filippin 4 ochko bilan guruhda ikkinchi o'rinda bormoqda. 

Ayni paytda 6 ta guruhda saralash o'yinlari bo'lib o'tmoqda. Har bir guruhda birinchi o'rin sohiblari va 5 ta guruhda ikkinchi o'rinni olgan jamoalar Osiyo kubogiga yo'llanmani qo'lga kiritishadi. Falastin o'rin olgan guruhda ikkinchi o'rin sohibi 4 ochko olishi aniq, shu bois qolgan guruhlarda 6 tadan ochkosi bor bo'lgan jamoalar qita chempionatiga yo'llanmani qo'lga kiritishdi. 

Ikkita o'yinda ikkita g'alabaga erishgan O'zbekiston va Tailand terma jamoalari ham Osiyo kubogi yo'llanmasini qo'lga kiritdi. Bugungi Tailandga qarshi bahs shunchaki rasmiyatchilik uchun o'tkaziladi. 

SHuningdek, boshqa guruhdagi qo'shnilarimiz Qirg'iziston va Tojikiston ham Osiyo kubogiga chiqishdi! Etiborlisi Tojikiston o'z tarixida ilk bor qita chempionatida o'ynaydi!

O'zbekiston terma jamoasining Osiyo kuboklarida qayd etgan natijalari:

1996 - guruh bosqichi

2000 - guruh bosqichi

2004 - chorak final

2007 - chorak final

2011 - 4-o'rin

2015 - chorak final

2019 - nimchorak final

2023 - ?