O'zbekiston Kubogi. “Lokomotiv” va “Nasaf” yarim finalda, deyarli

G'oliblik uchun asosiy davogarlardan biri hisoblangan Toshkentning “Lokomotiv” klubi Muborakda “Mashal” jamoasini mehmoni bo'lib, yirik 4:1 hisobida g'alaba qozondi. Garchi “temiryo'lchilar” birinchi bo'lib o'z darvozalaridan to'p olib chiqqan bo'lsalarda, yakunda Temurxo'ja Abduxoliqovning xet-trigi va Sanjar SHoahmedovning aniq zarbasi evaziga ajoyib g'alabani qo'lga kiritishdi.

Qarshining “Nasaf” jamoasi ham deyarli yarim final chiptasini naqd qildi. Vohalik futbolchilar “Andijon” klubi mehmoni bo'lib, 2:0 hisobidagi ishonchli g'alabani tantana qilishdi. “Qo'qon-1912” – “Buxoro” bahsi 1:1 hisobidagi durang bilan yakunlandi.