O'zbekiston mahalliylashtirgan, biroq Rossiya karantinga solgan rus sportchilari qishki Osiyo o'yinlarida qatnashishi mumkin - manba

"Konkida uchish bo'yicha Jahon chempionati sovrindori Danila Semerikov, short-trekchilar Denis Ayrapetyan va Daniil Eybog O'zbekiston terma jamoasi safiga qo'shilish uchun karantin muddatini o'tamoqda.

Qozog'iston terma jamoasi safida esa Elizaveta Golubeva shug'ullanyapti, u ham Rossiya konkida uchish uyushmasidan ikki yillik karantin olgan.

Hozircha ushbu sportchilarning ishtiroki bo'yicha aniq qaror yo'q, ammo Semerikov allaqachon Xarbin-2025 uchun akkreditaciyadan o'tgan. Osiyo o'yinlari 7-14 fevral kunlari bo'lib o'tadi", deyiladi Rossiya nashri tarqatgan xabarda.

Avvalroq, Xarbin-2025 qishki Osiyo o'yinlarida Rossiyadan mahalliylashtirilgan figurali uchuvchilar Dmitriy CHigirev va Ekatirena Geynish ishtirok etishi aniq bo'lgani haqida xabar bergan edik.