08 jan 23:19
Yangiliklar

Futbol

O'zbekiston media-futbol termasi Kolumbiyaga imkoniyatni boy berib, Kings League'dagi ishtirokini yakunladi

Xabar berganimizdek, Italiyaning Milan shahrida media-futbol bo'yicha Kings League-2025 Jahon kubogi bo'lib o'tmoqda.

Bugun musobaqaning chorak final bosqichi start oldi.

Unda ishtirok etayotgan "Unwanted boys" media jamoasi asosidan tashkil topgan O'zbekiston termasi yarim final yo'lida turnir favoritlaridan biri — Kolumbiyaga qarshi maydonga tushdi.

O'yin 6:1 hisobida Janubiy Amerika qitasi vakillarining g'alabasi bilan yakunlandi.

Jamoa safida professional futbolchi, U-20 yosh toifasidagi Osiyo chempioni SHahriyor Jabborov ham mavjud ekani haqida xabar bergandik.

Malumot uchun, O'zbekiston media-futbol jamoasi musobaqa doirasida dastlab Saudiya Arabistonini mag'lub qildi, shundan so'ng, AQSHga imkoniyat boy berildi. Mag'lublar guruhida esa kecha Peru dog'da qoldirilgandi.