So’nggi yangiliklar

19:02Волкановски Топуриянинг кучсиз томонини айтди 0 18:39"Адолатли бўлиш керак". Сехудо UFC’ни Царукян - Топурия жангини ташкил қилишга чақирди 0 18:17"Ал Аҳли" Мессини сотиб олмоқчи 0 17:51"У даъвогар бўлишга арзийди". Волкановски кимни кейинги рақиб сифатида кўришини айтди 0 17:25Топурия қайси спортчига ўхшашни исташини айтди. Бу Роналду эмас 0 17:01Ислам Махачев фаолиятини қачон якунлаши ҳақидаги саволга жавоб берди 0 16:39Файзуллаев бўйича "Истанбул"дан расмий таклиф кутилмоқда: ЦСКА эса уни сақлаб қолмоқчи 0 16:17Менежер Топуриянинг кейинги рақибини очиқлади. Бу Пимблетт эмас 0 15:53Царукян: "Топурия Оливейрани нокаут қилишини олдиндан билган" 0 15:28Эдди Хирн Жошуанинг қачон рингга қайтишини айтди 0 15:07Расман: Достон Бозоров чемпионлик камарини вакант қолдирди. Титулнинг янги эгаси Тошкентда аниқланади (ПОСТЕР) 1 15:03Футбол. Ўзбекистон Уругвай билан ўртоқлик ўйини ўтказади 0 14:41WBA танқидлар ортидан Жейк Полни рейтингдан чиқариб юбориши мумкин 0 14:20"Мен кутишни хоҳламайман". Ислам Махачев навбатдаги жанги борасида фикр билдирди 0 13:59Қозоғистон ўз мезбонлигидаги Жаҳон кубогидан кейин медаллар жамғариш рейтингида иккинчи ўринга кўтарилди, биз ҳамон пешқадаммиз! 0

06 mar 18:00
Yangiliklar

Boshqalar

O'zbekiston Milliy olimpiya qo'mitasida Osiyo o'yinlariga tayyorgarlik masalalari muhokama qilindi

Bugun, 6 mart kuni O'zbekiston Milliy olimpiya qo'mitasi binosida sport federaciyalari rahbarlari bilan navbatdagi yig'ilish tashkil qilindi.

Unda Milliy olimpiya qo'mitasi Bosh kotibi Jasur Matchanov, O'zbekiston Jismoniy tarbiya va sport vazirligi boshqarma boshlig'i Nazirjon Xudoyqulov va Osiyo o'yinlarida ishtirok etadigan sport federaciyalar mutasaddilari ishtirok etishdi.
“Avvalambor sizlarni tabriklab o'tmoqchimiz. Kuni kecha muhtaram Prezidentimiz SHavkat Miromonovich Mirziyoev biz orziqib kutgan farmonga imzo chekdilar. Ushbu farmon ustida juda uzoq vaqt ish olib borildi. Uning bandlari mukammal ishlashi uchun qattiq mehnat qilishimiz talab etiladi. Endi Milliy olimpiya qo'mitasi hamda Jismoniy tarbiya va sport vazirligi birgalikda, hamkorlida faoliyat olib boradi. Oldimizga qo'yilgan talabni bajarish uchun imkoniyatlarimiz juda katta. Eng muhimi ushbu imkoniyatlardan samarali foydalangan holda ish olib borishimiz kerak bo'ladi”, - dedi Jasur Matchanov.

Yig'ilish davomida sport federaciyalarining Osiyo o'yinlariga tayyorgarlik jarayoni qanday ketayotganligi haqida axborot berildi. Undan tashqari MOQ Bosh kotibi sportchilarga olimpiya stipendiyalarini to'lash tizimini qayta ko'rib chiqish, uning yagona va mukammal mexanizmini yaratish xaqida gapirdi.



“Stipendiyalar tizimini qayta ko'rib chiqamiz. MOQ tomonidan rag'batlantirilayotgan har bir sportchi bilan xalqaro meyorlar asosida shartnoma tuziladi. Kerak bo'lsa, stipendiyalar miqdorini bir necha barobar ko'taramiz. SHunga yarasha, ularning kun tartibi va racionini ham belgilab chiqamiz. Agar ular shartnoma bandlarini buzadigan bo'lsa jarimaga tortamiz. Talablarimizga javob beradiganlarni rag'batlantirish ham shunga yarasha katta miqdorda bo'ladi”, - dedi Jasur Matchanov.

SHuningdek, yig'ilish davomida endi har bir sport turi bo'yicha Milliy olimpiya qo'mitasi sovrini uchun musobaqalar o'tkazilishi aytib o'tildi. Aynan mazkur musobaqalar orqali Osiyo o'yinlariga borish uchun nomzod sportchilar sinovdan o'tkaziladi.

Qolaversa, sportchilarni olimpiya sport turlariga yo'naltirish borasida ham fikr bildirib o'tildi. Endi har bir nomzod sportchi kuzatib boriladi. Ularning ko'rsatayotgan natijalari tahlil qilinadi. SHunda ularning jismoniy va funkcional tayyorgarligida o'sish yoki pasayish xolatlari yaqqol namoyon bo'ladi.

Malumki, o'zbek boksining qitada o'z o'rni va mavqei bor. Ammo so'nggi Osiyo o'yinlari - Inchxon 2014 da  bokschilarimiz tomonidan birorta ham oltin medali qo'lga kiritilmagan. Bugungi yig'ilishda ushbu xolat yuzasidan ham fikr almashildi.

“Ayni paytda ixtiyorimizda asosiy tarkibdan tashqari, zaxira bokschilarimiz ham bor. Ularni ham tayyorlab boryapmiz. Har bir vazn toifasida 3-4 nafar sportchi ishlamoqda. Bu o'z navbatida tarkibda sog'lom raqobat shakllanishida muhim ahamiyat kasb etadi. Xabaringiz bor, sportda kutilmagan jarohatlar ham uchrab turadi. SHu sababli, zaxiradagi sportchilarimizni ham tayyorlab boryapmiz. O'zbekiston boks terma jamoasi Jakarta 2018 Osiyo o'yinlarida umumjamoa hisobida  faqat birinchi o'rinni olishni maqsad qilgan ”, - dedi terma jamoa bosh murabbiyi  Marat Qurbonov.


Yig'ilish davomida shuningdek,  sport kurashlari, taekvondo, ushu, karate, og'ir atletika, gimnastika, gandbol, regbi, futbol, engil atletika, o'q otish, qilichbozlik, kamondan otish, suv sporti, velosport, tennis, baydarka va kanoeda eshkak eshish, sambo, jui-jitsu, penchak silat, kurash, golf hamda badminton federaciyalari vakillari birma-bir Indoneziyadagi o'yinlar uchun rejalar, tayyorgarlik jarayonlari haqida hisobot berishdi.

Reyting: +1   

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing