O'zbekiston milliy terma jamoasi Xitoyga qarshi o'yin oldidan mashg'ulot o'tkazdi

Bugun terma jamoamiz azolari "Guanxi Sports Center" stadionida Xitoyga qarshi o'yin oldidan so'nggi mashg'ulotni o'tkazishdi. Mashg'ulot boshlanishidan avval stadionga mahalliy futbol maktabi tarbiyalanuvchilari kelishdi. O'FA nomidan ularga turli esdalik sovg'alari taqdim qilindi. SHuningdek, bolajonlar futbolchilarimizdan dastxat olib, ular bilan birgalikda suratga tushishdi.

Mashg'ulotlar ancha quvnoq kayfiyatda o'tganini takidlash zarur. Terma jamoa futbolchilari turli qiziqarli mashqlarni bajarish orqali jamoaviy ruhni kuchaytirishga, tezkorlik va chaqqonlikni oshirishga intilishdi. 

Eslatib o'tamiz, musobaqaning 3-o'rni uchun kechadigan bahs ertaga 25 mart kuni  Xitoyga qarshi bo'lib o'tadi. Uchrashuv "Guanxi Sports Center" stadionida Toshkent vaqti bilan soat 12:30da boshlanadi.