O'zbekiston MTJning navbatdagi yig'iniga chaqirilgan o'yinchilar malum

Bosh murabbiy Vadim Abramov mazkur yig'inga mahalliy klublardan 26 nafar futbolchini chaqirdi.

FIFA sentyabr oyidagi FIFA kunlarini 2022 yil yanvar oyiga ko'chirganligi, pandemiya sharoitida parvozlarni amalga oshirishdagi qiyinchiliklar va boshqa cheklovlar sabab xorijiy chempionatlarda to'p tepayotgan o'zbekistonlik futbolchilar ushbu yig'inga jalb etilmadi.

Yig'in doirasida Milliy terma jamoamiz Tojikiston vakillariga qarshi o'rtoqlik o'yinida maydonga tushadi. Uchrashuv 3 sentyabr kuni "Lokomotiv" stadionida bo'lib o'tishi rejalashtirilgan.

Yig'inga chaqirilgan futbolchilar ro'yxati:

Darvozabonlar: Eldor Suyunov ("Paxtakor"), Abduvohid Nematov ("Nasaf"), Botirali Ergashev ("Qo'qon-1912").

Himoyachilar: Hojiakbar Alijonov ("Paxtakor"), Anzur Ismoilov ("Paxtakor"), Sanjar Qodirqulov ("Bunyodkor"), Murod Xolmuhammedov ("Qo'qon-1912"), Igor Golban ("Navbahor"), Islomjon Qobilov ("Bunyodkor"), Ibrohim Halil Yuldashev ("Bunyodkor"), Husniddin Aliqulov ("Nasaf").

Yarim himoyachilar: Lutfulla To'raev ("Bunyodkor"), Oybek Bozorov ("Nasaf"), Aziz Turg'unboev ("Navbahor"), Abror Ismoilov ("Paxtakor"), Nurillo To'xtasinov ("Bunyodkro"), Farruh Ikromov ("Bunyodkor"), Hojimat Erkinov (AGMK), Iskandar SHoyqulov ("So'g'diyona"), Akmal Mozgovoy ("Nasaf"), Quvondiq Ro'ziev ("Qo'qon-1912"), Suhrob Berdiev ("Qo'qon-1912"), Husniddin G'ofurov ("Surxon").

Hujumchilar: Bobir Abdiholiqov ("Nasaf"), SHahzod Ubaydullaev ("Metallurg"), Temurxo'ja Abduxoliqov ("Lokomotiv").

P.S. "Paxtakor" jamoasi 1 sentyabr kuni Superliga doirasida "Buxoro"ga qarshi maydonga tushishi kerak. Demak, "sherlar"dan terma jamoaga chaqirilganlar yig'inga faqatgina 2 sentyabrdan qo'shila olishadi yoki bu borada ikki tomon o'zaro kelishadi.