O'zbekiston o'q otish federaciyasi rahbariyatida o'zgarish

Unda MOQ raisi Rustam SHoabdurahmonov, O'zbekiston o'q otish federaciyasi raisi Oybek Norinboev, O'zbekiston Respublikasi Mudofaasiga ko'maklashuvchi “Vatanparvar” tashkiloti mutasaddilari, viloyat bo'limi vakillari va OAV ishtirok etishdi.

Konferenciyaning kun tartibidan federaciyaning 2021 yildagi faoliyatiga bag'ishlangan hisobotni ko'rib chiqish, viloyat bo'limlari ishini kuchaytirish va federaciya raisi o'rinbosarligiga yangi vakil saylash masalalari o'rin oldi.

Tadbirni olib borgan federaciya bosh kotibi Mardon Davronov birinchi va ikkinchi masalalar, jumladan, Tokio-2020 ciklida qilingan ishlar, Xanchjou-2022 Osiyo va Parij-2024 Olimpiya o'yinlariga tayyorgarlik, bunda viloyat bo'limlari bilan ishlashni kuchaytirish to'g'risida to'xtalib o'tdi.

SHundan so'ng, kun tartibining asosiy masalasiga navbat berildi. Unga ko'ra, O'zbekiston Respublikasi Mudofaa vazirining o'rinbosari Hamdam Qarshiev nomzodi federaciya raisi o'rinbosari lavozimiga ko'rsatildi. Ishtirokchilar nomzodni bir ovozdan maqullashdi va Hamdam Aliqulovich O'zbekiston o'q otish federaciyasi raisi o'rinbosari etib saylandi.

O'z o'rnida, Hamdam Qarshiev so'z olib, bildirilgan ishonchni oqlash, sportimiz rivojiga hissa qo'shish uchun bor imkoniyatini ishga solishini aytib o'tdi. 

SHu tariqa, O'zbekiston o'q otish federaciyasi rahbariyati tarkibi quyidagi ko'rinishga keldi:

Federaciya raisi: Norinboev Oybek Qobiljonovich

Federaciya raisining birinchi o'rinbosari: Qodirov Doniyor Baxtiyorovich

Federaciya raisining o'rinbosarlari: Qarshiev Hamdam Aliqulovich va Enaliev Ramiz Ravilevich

SHundan so'ng, Rustam SHoabdurahmonov va Oybek Norinboev so'z olib, Prezidentimiz SHavkat Mirziyoev boshchiligida davlatimizning sportni rivojlantirishga qaratayotgan etibori va qo'llab-quvvatlashi, oldinga qo'yilgan rejalar xususida to'xtalib, Hamdam Qarshievga yangi lavozimida omad va zafarlar tilab o'tishdi.

SHu tariqa, O'zbekiston o'q otish federaciyasining navbatdan tashqari hisobot-saylov konferenciyasi o'z ishini yakunladi.