O'zbekiston shaxmat federaciyasi raisiga yangi o'rinbosar saylandi

Konferenciyada O'zbekiston shaxmat federaciyasi rahbariyati va mutasaddilari, hakamlar hamda OAV xodimlari ishtirok etdi. Unda o'tgan 2018 yilda shaxmatchilarimizning turli nufuzli musobaqalarda qo'lga kiritgan yutuqlari, federaciya nizomiga kiritilgan o'zgarish va qo'shimchalar haqida malumot berildi.

Federaciya raisining birinchi o'rinbosari X.Turdialiev so'nggi yillarda yurtimizda shaxmat aholi orasida keng ommalashayotgani, natijada navqiron avlod ichidan istedodli sportchilar etishib chiqqan holda yuksak natijalarga erishayotganini takidladi.

Darhaqiqat, o'zbekistonlik shaxmatchilar so'nggi yillarda nufuzli musobaqalarda muvaffaqiyatli ishtirok etib kelishmoqda. Sportchilarimiz 2018 yilgi sport mavsumida 70ga yaqin musobaqada qatnashib, 87ta oltin, 81ta kumush, 61ta bronza, jami 229ta medalni qo'lga kiritishdi. Yuksak natijalarga erishgan shaxmatchilar va ularning murabbiylari davlatimiz hamda shaxmat federaciyasi tomonidan munosib taqdirlandi.

Konferenciyada O'zbekiston Respublikasi Prezidenti SHavkat Mirziyoevning 2018 yil 9 avgustdagi “O'zbekiston Respublikasida shaxmatni rivojlantirish bo'yicha qo'shimcha chora-tadbirlar to'g'risida”gi qarori ijrosini taminlash bo'yicha amalga oshiriladigan ishlar, joriy yilgi musobaqalarda sportchilarimizning munosib ishtirok etishlarini taminlash, iqtidorli shaxmatchilarni terma jamoa safiga qo'shish borasida muhim vazifalar belgilab olindi.

Kun tartibidan o'rin olgan asosiy masala – federaciya raisiga o'rinbosar saylashdan iborat edi. SHu munosabat bilan mazkur lavozimga SHerzod Karimov nomzodi ilgari surildi. Konferenciya ishtirokchilari bir ovozdan ko'rsatilgan nomzodni qo'llab-quvvatlashdi. SHu tariqa, SH.Karimov O'zbekiston shaxmat federaciyasi raisining o'rinbosari lavozimiga saylandi.