O'zbekiston shu oyda xokkey bo'yicha Osiyo va Okeaniya kubogiga mezbonlik qiladi

Musobaqa o'z tarixida ikkinchi bor tashkil etilmoqda. O'tgan yili Mo'g'ulistonning Ulan-Bator shahrida o'tkazilgan debyut turnirda O'zbekiston U18 terma jamoasi beshta o'yinnning barchasida zafar quchib, Kubok egasiga aylangan edi.

Bu yilgi chempionatda jami 10 ta terma jamoa ishtirok etadi.

Format esa quyidagicha:

Ishtirokchilar ikki guruhga bo'linadi. Poytaxtimizdagi "Humo Arena"da bo'lib o'tadigan "A" guruhi doirasidagi uchrashuvlarda O'zbekiston, Tailand, Eron, Malayziya va Quvayt o'smirlar terma jamoalari kuch sinashadi. Samarqandda o'tkaziladigan "V" guruhida esa Mo'g'uliston, BAA, Hindiston, Makao va Indoneziya o'smirlar terma jamoalari to'qnash keladi. Jamoalar o'z guruhlarida o'z o'rinlarini taqsimlaganidan so'ng, Toshkentda 9, 7, 5, 3 va 1-o'rinlar uchun pley-off o'yinlari tashkil etiladi.