O'zbekiston – SHveycariya 1:0. Istomin g'alaba bilan boshladi

Bu ikki terma jamoa Jahon ligasiga chiqish uchun pley-off o'yinida ishtirok etishyapti. Avval xabar berganimizdek, Toshkentga kelgan terma jamoa tarkibidan SHveycariya tennisining uch nafar eng kuchli raketka ustalari joy olmagan. Dunyoning uchinchi raketkasi, US Open-2016 g'olibi Sten Vavrinka, to'rtinchi raketka Rojer Federer hamda dunyo reytingida 144-pog'onadan joy olgan Marko Kyudinelli Toshkentga kelmagan.

Qura natijasiga ko'ra, bugungi yakkalik bahslarini Denis Istomin hamda Entoni Belerlar boshlab berishdi. Istomin dunyo reytingada 113, Beler esa 507-o'rindan joy olgandi. Uch setda 6:3, 6:2, 6:4 hitsobida g'alaba qozongan Istomin terma jamoamizni hisobda oldinga olib chiqdi.

Ayni daqiqalarda Sanjar Fayziev SHveycariyaning birinchi raketkasi Xenri Laksonenga qarshi kortga chiqqan. 25 yoshli Laksonen esa 138-pog'onani band etib turibdi.

Eslatib o'tamiz, O'zbekiston terma jamoasi saralashda Xitoy tennischilarini 3:2 hisobida mag'lubiyatga uchratib, pley-offda ishtirok etish huquqini qo'lga kiritgandi.

SHveycariyaliklar esa Jahon ligasi birinchi bosqichida Italiyaga qarshi o'yin o'tkazib, 0:5 hisobida mag'lubiyatga uchragan edi. O'zbekiston – SHveycariya uchrashuvi g'olibi Jahon ligasiga yo'llanmani qo'lga kiritadi.