O'zbekiston – SHveycariya 2:3. Jahon ligasiga chiqish orzusi ushalmadi

Afsuski, bu safargi urinish ham besamar yakunlandi. Terma jamoamiz Jahon ligasiga chiqish imkoniyatidan bu gal ham foydalana olishmadi. To'rtta uchrashuvdan hisob teng - 2:2 bo'lib turgandi. Lekin hal qiluvchi beshinchi uchrashuvda 18 yoshli tennischimiz Jo'rabek Karimovga tajriba etishmadi.

Entoni Belerga qarshi kechgan bahsda hamyurtimiz raqibiga 2:6, 4:6, 7:6(8:6), 3:6 hisobida imkoniyatni boy berib qo'ydi. Jahon ligasiga chiqish uchun juda yaxshi imkoniyat yuzaga kelgandi. Boisi, SHveycariya terma jamoasi tarkibida dunyo tennisi yulduzlari Sten Vavrinka, Rojer Federerlar kelishmagandi.

SHu tariqa, umumiy 3:2 hisobida g'alaba qozongan SHveycariya terma jamoasi Jahon ligasidagi o'rnini saqlab qoldi. Terma jamoamiz esa Osiyo-Okeaniya mintaqasining birinchi guruhida o'ynaydi.

Eslatib o'tamiz, O'zbekiston terma jamoasi saralashda Xitoy tennischilarini 3:2 hisobida mag'lubiyatga uchratib, pley-offda ishtirok etish huquqini qo'lga kiritgandi.

SHveycariyaliklar esa Jahon ligasi birinchi bosqichida Italiyaga qarshi o'yin o'tkazib, 0:5 hisobida mag'lubiyatga uchragan edi. O'zbekiston – SHveycariya uchrashuvi g'olibi Jahon ligasiga yo'llanmani qo'lga kiritadi.