O'zbekiston tarixda birinchi marta Osiyo o'yinlarida ot sporti bo'yicha bellashuvlarda ishtirok etadi

SHu boisdan sportning ushbu turi bo'yicha kompleks musobaqalarda qatnashuvchi mamlakatlar soni u qadar ko'p bo'lmaydi. Faqatgina o'zini hurmat qiladigan, qudratli sport mamlakatlarigina ot sporti bo'yicha xalqaro musobaqalarda ishtirok etishni o'ziga ravo ko'rishi mumkin.

Quvonarlisi, yaqinlashib kelayotgan Osiyo o'yinlarida O'zbekiston ham ot sporti bo'yicha bellashuvlarda qatnashishga qaror qilgan. Bu ham mamlakatimizda sportning ushbu turiga etibor ortayotganidan darak beradi. Indoneziyadagi nufuzli musobaqada yurtimiz sharafini konkur bo'yicha O'zbekiston terma jamoasi azolari G'ayrat Nazarov, Umid Kamilov, Oqil Sobirjonov, Nurjan Tuyakbaevlar o'z otlarida himoya qilishadi.

Osiyo o'yinlariga tayyorgarlik allaqachon boshlab yuborilgan. Deyarli bir oy oldin otlar tegishli karantin muddatini o'tash va veterinar tekshiruvidan o'tish uchun Germaniyaga jo'natildi. Kuni kecha chavandozlarimiz ham Germaniyaga etib borishdi va tajribali nemis mutaxassislari qo'l ostida seminarlarda qatnashishdi. U erda nazariy va amaliy mashg'ulotlar yakunlangach, sportchilarimiz Evropada xalqaro musobaqada ishtirok etadilar. Bu esa albatta Osiyo o'yinlari oldidan tayyorgarlikning muhim bosqichi hisoblanadi.

20 avgust kuni esa sportchilarimiz otlar bilan birgalikda Belgiyadan Indoneziyaga etib borishadi. O'sha erda sportchilarimiz tarixda ilk marotaba o'z otlari bilan Osiyo o'yinlarida ishtirok etishadi.