O'zbekiston terma jamoasi bironta mag'lubiyatsiz Osiyo chempionati finaliga chiqdi + FOTOGALEREYA

Xabar berganimizdek, qita chempionatining aralash jamoaviy bellashuvlarida Osiyoning 11 ta terma jamoasi bahslarga kirishdi. O'zbekiston terma jamoasi o'z ishtirokini to'g'ridan-to'g'ri 1/4 finaldan boshladi. Bu bosqichda Tojikiston terma jamoasi 4:0 hisobida mag'lub etildi. 

Og'ir vaznga o'tgan o'tgan Parij-2024 olimpiadasi sovrindori, jahon chempioni Muzaffarbek To'raboev Tojikiston terma jamoasi sardori Temur Rahimovni ippon bahosi bilan mag'lub etishni uddaladi. Tojikiston 1/8 finaldagi Markaziy Osiyo derbisida turkmanistonlik dzyudochilardan ustun kelgandi. 

Yarim finalda O'zbekiston terma jamoasi Koreya Respublikasi dzyudochilariga hech qanday imkoniyat qoldirmadi - 4:0. Kutilganidek, finaldagi raqib - Yaponiya! Kunchiqar yurt vakillariga qarshi kechadigan final bellashuvi bizning vaqt bilan soat 14:00da boshlanadi. 

Malumot uchun, o'tgan yili Gonkong davlatida o'tgan Osiyo chempionatining aralash jamoaviy bahslarida O'zbekiston bronza medallarini qo'lga kiritgandi.