O'zbekiston terma jamoasi bosh murabbiyi Ektor Kuper jurnalistlar savollariga javob qaytardi

Tadbir davomida argentinalik mutaxassis ommaviy axborot vositalari xodimlari savollariga javob qaytardi.
Kutib olinishi haqida

O'zbekistonda ekanligimdan xursandman. Meni tantanali tarzda kutib olishdi. Bundan juda hayratdaman. Bu erga kelishimda nafaqat O'zbekiston futbol associaciyasi rahbariyati, balki O'zbekiston Respublikasi Prezidentining ham o'rni katta bo'ldi deb o'ylayman. Barchasi uchun katta rahmat.

Ish qay tarzda olib boriladi?

Birinchi navbatda barcha bilan tanishib olishim kerak. Buning uchun mamlakat chempionati uchrashuvlarini kuzatib boramiz. Maqsad sari barchamiz birlashib ish olib borishimiz kerak. O'yin uslubini futbolchilarga qarab tuzmayman, aksincha ular mening o'yin uslubim va falsafamga moslashishlari lozim bo'ladi.

SHartnoma qancha muddatga imzolandi?

Terma jamoa bilan 3+1 ko'rinishida shartnoma imzoladik. Men faqat milliy terma jamoaga javob beraman. Olimpiya terma jamoasini faqat kuzatishim mumkin. Oldimizga faqat ikkita asosiy maqsad qo'yilgan. Osiyo Kubogi-2019 da muvaffaqiyatli qatnashish hamda  2022 yilgi Jahon chempionatiga yo'llanmani qo'lga kiritish.

Nima uchun aynan O'zbekiston tanlandi?

Buning ikkita katta sababi bor. Birinchisi 23 yoshgacha bo'lgan mamlakat terma jamoasi Osiyo chempioni bo'ldi. Demak, salohiyat bor. Ikkinchidan, associaciya tomonidan qo'yilgan vazifa men uchun juda qiziq ko'rindi.

Jahon chempionatiga olib chiqa oladimi?

Men sehrgar emas, oddiy murabbiyman. Qisqa vaqt ichida mo'jizalar kutib bo'lmaydi. Men optimistman. Mabodo o'z ishimni yaxshi bajara olmasam xayrlashaman. Bu futbolda normal holat hisoblanadi. Ammo, men bor kuchim bilan ishlashga vada beraman. Ishimni uddalay olishimga ishonyapman. Agar o'zimga, qolaversa o'zbek futbolchilarining potencialiga ishonmaganimda ushbu taklifga rozi bo'lib o'tirmasdim.