06 okt 14:22
Yangiliklar

Dzyudo

O'zbekiston terma jamoasi jahon chempionatining bronza medallari uchun tatamiga chiqadi + FOTOREPORTAJ

Tojikiston poytaxti Dushanbe shahri mezbonlik qilayotgan dzyudo bo'yicha yoshlar o'rtasidagi jahon chempionati o'z yakuniga etib bormoqda.

Bugun musobaqaning so'nggi kuni aralash juftlik bahslari o'tkazilyapti. Biroz avval saralash bahslari yakunlanib, medallar uchun kurashadigan juftliklar malum bo'ldi.

O'zbekiston terma jamoasi avvaliga Xitoyni 4:2 hisobida taslim etdi. CHorak finalda Yaponiyaga imkoniyatni boy (0:4) berdi. Bronza medali yo'lidagi o'tish bahsida Turkiya terma jamoasi mag'lub etildi - 4:0.

Endi bizning vaqt bilan soat 16:00da boshlanadigan bellashuvda dzyudochilarimiz Ozarbayjonga qarshi jahon chempionatining bronza medallari uchun tatamiga chiqishadi. Koreya Respublikasi va Mo'g'uliston terma jamoalari bahsida ikkinchi bronza medali taqdiri hal bo'ladi. Finalda esa Yaponiya va Franciya terma jamoalari o'zaro hisob-kitob qilishadi.