13 avg 12:29
Yangiliklar
![](/upload/storage/43435_220.jpg)
O'zbekiston terma jamoasi Toshkentda 3ta o'rtoqlik o'yini o'tkazadi
O'FA 1-vice-prezidenti Umid Ahmadjonovning bir qator futbol associaciyalar bilan o'zaro imzolagan memorandumlari asosida, shuningdek, FIFA prezidenti Janni Infantino va OFK prezidenti SHayx Salmon Ibrohim bin Xalifa ko'magi yordamida Osiyoning bir qator terma jamoalari bilan Toshkentda o'rtoqlik o'yini o'tkazish bo'yicha kelishuvga erishildi.
Jumladan, 6 sentyabr kuni poytaxtimizdagi “Milliy” stadionida O'zbekiston milliy terma jamoasi Suriyaga qarshi bahs olib boradi. O'yin muxlislar uchun qulay bo'lgan payt soat 20:00da boshlanadi.
Bundan tashqari, oktyabr oyidagi FIFA kunlaridan ham unumli foydalanish rejalashtirilgan. 13 oktyabr kuni SHimoliy Koreya bilan, 16 oktyabr kuni esa Qatar terma jamoasiga qarshi Toshkentda o'rtoqlik o'yinlari bo'lib o'tadi.
Ektor Kuper mazkur o'yin orqali O'zbekiston terma jamoasining asosiy tarkibini shakllantirib boradi.
Hozirda qolgan FIFA kunlarida ham O'zbekiston milliy terma jamoasi uchun o'rtoqlik o'yini tashkil qilish borasida muzokaralar olib borilmoqda. Jumladan, Eron futbol federaciyasi bilan o'tkazilayotgan muzokaralar ijobiy yakuniga etsa, 11 sentyabr kuni yurtimizdagi futbol muxlislari Osiyoning ushbu grand jamoasini Toshkentda ko'rishlari mumkin bo'ladi.
Fikrlar