13 dek 15:12
Yangiliklar
Boks/MMA
O'zbekiston terma jamoasining Osiyo chempionatidagi bitta oltin medali olib qo'yildi
Kuni kecha Tailand davlatida yakuniga etgan boks bo'yicha kattalar o'rtasidagi Osiyo chempionatida O'zbekiston terma jamoasi 11 ta oltin, 6 ta kumush, 3 ta bronza, jami 20 ta medal bilan umumjamoa hisobida birinchi o'rinni egallagandi.
Afsuski, erkaklar terma jamoamizning bitta oltin medali olib qo'yilib, finalda yutqazgan qozoq bokschisi Ablayxay Jusupovga taqdim etildi. -71 kg vazn toifasida Osiyo chempioni bo'lgan hamyurtimiz Havasbek Asadullaev jang chog'ida raqibining elkasidan tishlab olgani uchun shunday qarorga kelingan.
Qozog'iston boks federaciyasi ushbu holat bo'yicha Osiyo boks konfederaciyasiga shikoyat xati kiritgan. Vaziyatni o'rganib chiqqan tartib-intizom qo'mitasi Asadullaevni diskvaliyafikaciya qilib, uning oltin medalini Ablayxanga taqdim etdi. Bu bilan Qozog'iston terma jamoasining oltin medallari soni bittaga ko'paydi, ammo qo'shnilarimiz umumjamoa hisobida O'zbekistondan o'tib keta olishmadi.
Havola :
Manba : olamsport.com
Fikrlar