O'zbekiston - Turkiya: Devis Kubogini g'alaba bilan boshladik

Poytaxtimizdagi Respublika olimpiya zaxiralari tennis maktabi kortlarida terma jamoalar o'rtasidagi norasmiy jahon chempionati hisoblangan «Devis Kubogi» doirasidagi O'zbekiston - Turkiya uchrashuvi bo'lib o'tmoqda.

Yakkalikning dastlabki uchrashuvida Sanjar Fayziev Sem Ilkelga qarshi kortga chiqdi. Hozirgina yakuniga etgan va 2 soatu 39 daqiqa davom etgan bahsda Fayziev kuchli raqibini 6/3, 6/7(1), 6/4 hisobida mag'lub etdi hamda terma jamoamizni hisobda oldinga olib chiqdi. 

Taqoslash uchun, Sanjar Fayziev ATP reytingida 510, Sem Ilkel esa 189-o'rinni egallab turibdi. Birozdan so'ng ikkinchi yakkalik uchrashuvida Sergey Fomin CHelikbelik Altug bilan hisob-kitob qiladi.