O'zbekiston U-18 terma jamoasi bu safar Turkmanistonni "er tishlatdi"

III divizionning B guruhida ishtirok etayotgan yoshlarimiz bu safar Turkmaniston termasiga qarshi muzga chiqdi.

Bangkok shahridagi (Tailand) International Ice Hockey Arena majmuasida bo'lib o'tgan o'yinda vakillarimiz yirik 8:2 hisobida zafar quchdi.

Bu terma jamoamizning musobaqa doirasidagi uchinchi g'alabasiga aylandi. Hozircha xokkeychilarimiz turnir jadvalida birinchi bo'lib turishibdi. Jasurbek Rustamxonov esa yakka to'purarlikni davom ettiryapti (9+7).

O'zbekiston U-18 termasining JCHdagi keyingi o'yini ertaga 11:00 da Bosniya va Gercegovina yoshlariga qarshi bo'lib o'tadi.

III divizion, B guruhi (3- tur)

Tailand, Bangkok.

O'zbekiston - Turkmaniston 8:2 (4:2, 3:0, 1:0)

Gollar: Rustamxonov, Hamitov (Turkmaniston), Kamolov, Popov, Durdiev (Turkmaniston), Rustamxonov, Ravshanov, Dadaxo'jaev, Azimov, Rustamxonov.