24 mar 10:15
Yangiliklar

Futbol

O'zbekiston U-22 terma jamoasi Qatar yoshlarini mag'lubiyatga uchratdi

SHu kunlarda Qatar poytaxti Doha shahrida o'quv-mashg'ulotlar yig'inini o'tkazayotgan O'zbekiston U-22 terma jamoasi kecha Qatar U-22 termasiga qarshi o'rtoqlik uchrashuvida maydonga tushdi.

“Xamad Bin Halifa” stadionida o'tkazilgan bellashuvda Jasur Abduraimov bosh murabbiyligidagi jamoa 3:1 hisobida zafar quchdi. O'zbekiston U-22 safida barcha gollarga Zabihillo O'rinboev mualliflik qildi.

O'zbekiston U-22 terma jamoasi navbatdagi o'rtoqlik uchrashuvini Kanada yoshlariga qarshi o'tkazadi. Ushbu o'yin 25 mart, shanba kuni bo'lib o'tadi.

Mazkur o'quv-mashg'ulotlar yig'ini Jasur Abduraimov jamoasi uchun 2018 yili Xitoyda bo'lib o'tadigan U-23 Osiyo chempionatiga saralash bosqichi uchun tayyorgarlik vazifasini o'taydi.

O'rtoqlik uchrashuvi. Qatar, Doha

Qatar U-22 – O'zbekiston U-22 - 1:3

Gollar: Zabihillo O'rinboev (1, 55, 60)

O'zbekiston: Botirali Ergashev (Umid Ergashev, 85), Rustam Ashurmatov, Doston Tursunov, Husniddin G'ofurov (Islom Qobilov, 85), Abdujamol Isroilov (Xojiakbar Alijonov, 85), Aziz G'aniev (Hurshid G'iyosov, 52), Jasur Yaxshiboev (Begzod G'anijonov, 75), Jamshid Yusupov (Javohir Siddiqov, 29), Javohir Kahramonov (Dostor Ibragimov, 75), Akramjon Komilov (Xushnudbek Avilov, 85), Zabihillo O'rinboev (Andrey Sidorov, 75).